الى إبنتي وكل البنات
ـــــــــــــــــــــــــــ
(( 2 ))
يا بنـت خوذي صــورة............عــن جيلكم عن وقتكم وأموره
إحنـا جيلنـا عـدى مسّـقّم شوره.....وأنتـم أتقــولوا ما إنتبعـوا جــرّه
جـّتْ غشم ، وهيَّ إمتاع صْقوره.....الرومي إمعـاه الفكـر منكم جـرّه
وتركتوا مسيرتْ جد باهي شوره.....انـْسيتوا لوصول السايره المجتره
وبـديتوا دوايح في مثـيل الكـوره.....مـن موراد ليمـوراد والا بـرّه
والبنت صبخت وجها باحمـوره.....وخـجل وسلاسل يضـربوا للصره
وفي إيدها الدخان ضاوي نوره.....وقالـت أنـا هكـِّي إفحياتي حــرّه
إبسيارتي وفي خـدمتي مسروره.....ولا مستحـقـّه لـْبوي وُلامضطـــره
وأنا وين يخـطرلي إندير الدوره.....وعلى الشط نتمشى إبكـل مســـرّهْ
وورايْ الشباب إيجرفي طابوره.....وأنا ماشيـه طـقـّهْ ومْعاها نظــره
والُّلوبان نمضغ فيه كيف الكوره.....وطرْباق لاهي عـيب لاهي مضره
توقف على الصوار تاخذ صوره.....وما خايفـه مـن حَــدْ قاـلت حــرّه
والشرع قالوا البنت كلها عــوره.....وعلى راسها واجب أغطاها إتكرّه
ـــــــــــــــــــــــــــ
يتــبــع......إنشاء الله ...
منيرتاج الدين منير
ــــــــــــــــــــــــ
السبت ديسمبر 24, 2016 4:33 pm من طرف 
اليومية
موضوع: الى إبنـتي(كل البنات) ـ 2 ـ 
